അഞ്ച് അധ്യാപകരെ സ്ഥലം മാറ്റിയതിനെതിരെ എച്ച് എസ് എസ് ടി എ പ്രതിഷേധം

June 29, 2024 - By School Pathram Academy

പ്രിയ അധ്യാപകരെ,

കോട്ടയം ചങ്ങനാശ്ശേരി ഗവ. ഹയർ സെക്കണ്ടറി സ്കൂളിൽ നിന്നും യാതൊരു തത്വദീക്ഷയുമില്ലാതെ അഞ്ച് അധ്യാപികമാരെ അന്യായമായി സ്ഥലം മാറ്റിയ നടപടി അപലപനീയവും ഞെട്ടലുണ്ടാക്കുന്നതുമാണ്. 

അധ്യാപന മേഖലയിൽ കേട്ടുകേൾവിയില്ലാത്ത തരം അനഭിലഷണീയമായ പ്രവണതകൾക്ക് തുടക്കം കുറിക്കാവുന്ന ഈ രാഷ്ട്രീയ പ്രേരിത ട്രാൻസ്ഫർ ഉത്തരവിനെതിരെ ശക്തമായ പ്രതിഷേധം ഉയരണം.  

സ്കൂൾ പി ടി എ കളോ എം എൽ എ മാരടക്കമുള്ള ജനപ്രതിനിധികളോ അടിച്ചേൽപ്പിക്കുന്ന തോന്ന്യാസങ്ങൾക്ക് കുടപിടിച്ചില്ലെങ്കിൽ സ്ഥലം മാറ്റുമെന്ന അധികാര ഗർവ്വിനെ മുളയിലേ നുള്ളേണ്ടത് നമ്മുടെ ആത്മാഭിമാനത്തിൻ്റെ പ്രകടനമാണ്.

സർക്കാർ മേഖലയിലെ ഹയർ സെക്കണ്ടറി അധ്യാപകരെ സമൂഹമാധ്യമത്തിൽ താറടിക്കുന്ന തരത്തിലുള്ള വാസ്തവ വിരുദ്ധ പരാമർശങ്ങൾ കുത്തിത്തിരുകി പുറത്തിറക്കുന്ന ഏകാധിപത്യ ഉത്തരവുകൾ ഫാസിസത്തിൻ്റെ ഏറ്റവും നീചമായ മുഖവുമാണ്. 

വനിതാ അധ്യാപികമാരെ കൂട്ടമായി സ്ഥലം മാറ്റി സ്ഥാപിത രാഷ്ട്രീയ താല്പര്യങ്ങൾ അരക്കിട്ടുറപ്പിക്കാൻ അധികാരി വർഗത്തെ നിർബന്ധിപ്പിച്ച് നടത്തുന്ന നെറികെട്ട നീക്കത്തിനെതിരെ അധ്യാപകരുടെ ശക്തമായ പ്രതിഷേധം ഉയരണം.   

എച്ച് എസ് എസ് ടി എ കോട്ടയം ജില്ലാ കമ്മറ്റി സംഘടിപ്പിക്കുന്ന പ്രതിഷേധസമരം നാളെ 29.6.24 ശനിയാഴ്ച രാവിലെ 11 മണിക്ക് കോട്ടയം RDD ഓഫീസിന് മുൻപിൽ നടക്കുകയാണ്..

കേരളത്തിൽ ഉടനീളമുള്ള സർക്കാർ ഹയർ സെക്കണ്ടറി അധ്യാപകരുടെ മുഴുവൻ പിന്തുണയും ഈ ധർമ്മ സമരത്തിന് ഉണ്ടാകണം .

കോട്ടയം ജില്ലയിലെയും സമീപ പ്രദേശങ്ങളിലെയും അധ്യാപകർ ഈ പ്രതിഷേധ സമരത്തിനായി എത്തിച്ചേരണമെന്ന് വിനീതമായി അഭ്യർത്ഥിക്കുന്നു. 

ഭരണവർഗത്തിൻ്റെ ഒത്താശയോടെ നടക്കുന്ന 

അനീതിക്കെതിരെ നമുക്ക് ഒറ്റക്കെട്ടായി പോരാടാം..

അഭിവാദ്യങ്ങളോടെ,

HSSTA സംസ്ഥാന കമ്മറ്റി

🔅🔅🔅🔅🔅🔅🔅🔅🔅

Category: News

Recent

സംസ്ഥാനത്തെ സര്‍ക്കാര്‍ ഉദ്യോഗസ്ഥര്‍ക്കും അംഗീകൃത തൊഴിലാളികള്‍ക്കും  തൊഴില്‍ നികുതി വര്‍ദ്ധിപ്പിച്ചു കൊണ്ടുള്ള ഉത്തരവിന്റെ…

July 13, 2024

സ്കൂളുകളിൽ മലയാളഭാഷ പഠിപ്പിക്കുന്നുണ്ടോ എന്ന് അന്വേഷിച്ച് റിപ്പോർട്ട് നൽകാൻ പൊതുവിദ്യാഭ്യാസ വകുപ്പ് ഡയറക്ടറുടെ…

July 12, 2024

സി.വി രാമനെ പരാമർശിക്കാതെ ‘കൽക്കട്ട യാത്രാഡയറി ‘ പൂർത്തിയാകുമോ

July 12, 2024

ഇന്ന് World Paper Bag Day ; പേപ്പർ ബാഗിനും ഒരു ദിനം; ഈ…

July 12, 2024

മറവന്തുരുത്ത് ശാന്തിനികേതൻ എൽ പി സ്കൂളിൽ നിറവ് 2024 പദ്ധതിക്ക്‌ തുടക്കമായി

July 12, 2024

കൽക്കട്ട യാത്ര :- ഹൂഗ്ലി നദിയുടെ പടിഞ്ഞാറ് ഭാഗത്ത് സ്ഥിതി ചെയ്യുന്ന മെറ്റ്കാൾഫിലേക്ക്

July 12, 2024

സമാധാനപരവും രാഷിട്രീയ പാർട്ടികളുടെ ഇടപെടൽ ഇല്ലാതേയും സ്കൂൾ പാർലമെൻറ് ഇലക്ഷൻ നടത്താൻ പൊതുവിദ്യാഭ്യാസ…

July 12, 2024

മദർ തെരേസ താമസിച്ച കൽക്കട്ടയിലെ വീട്ടിൽ നിന്നും എഴുതുന്നത്

July 11, 2024
Load More