നാല് കോടി അധ്യാപകരുടെ കുറവ്

ലോകത്തെ എല്ലാ കുട്ടികൾക്കും വിദ്യാഭ്യാസം നൽകണമെങ്കിൽ ഇനിയും 4.4 കോടി അധ്യാപകർ കൂടിവേണമെന്ന് യുനെസ്കോയുടെ കണക്കുകൾ. 2022-ൽ മാത്രമായി 9 ശതമാനം പ്രൈമറി സ്കൂൾ അധ്യാപകർ ജോലി ഉപേക്ഷിച്ചു എന്നാണ് റിപ്പോർട്ടിൽ പറയുന്നത്. 2015-ൽ ഈ നിരക്ക് വെറും 4.5 ശതമാനമായിരുന്നു.

ലോകം മുഴുവനുമുള്ള കണക്കെടുത്താൽ അധ്യാപകരുടെ കുറവിന്റെ മൂന്നിൽ ഒരു ഭാ​ഗവും സബ്-സഹാറൻ ആഫ്രിക്കയിലാണ്. 2030 ഓടെ എല്ലാവർക്കും പ്രൈമറി, സെക്കൻഡറി സ്കൂൾ വിദ്യാഭ്യാസം എന്ന ലക്ഷ്യം സാധ്യമാക്കണമെങ്കിൽ അവിടെ ഇനി 1.5 കോടി അധ്യാപകരുടെ സേവനം ആവശ്യമാണ്.