വിദ്യാർഥിനിയെ പീഡിപ്പിക്കാൻ ശ്രമം: ട്യൂഷൻ അധ്യാപകൻ അറസ്റ്റിൽ

നാദാപുരം: ട്യൂഷൻ സെന്ററിൽ വെച്ച് പന്ത്രണ്ട് വയസ്സുകാരിയെ പീഡിപ്പിക്കാൻ ശ്രമിച്ച ട്യൂഷൻ സെന്റർ അധ്യാപകൻ അറസ്റ്റിൽ.

വെള്ളൂരിലെ പാറോള്ളതിൽ കെ. ബാബുവിനെയാണ് (56) നാദാപുരം പൊലീസ് അറസ്റ്റ് ചെയ്തത്.തിങ്കളാഴ്ച ഉച്ചയോടെയാണ് കേസിനാസ്പദ സംഭവം. കുട്ടിയുടെ രക്ഷിതാക്കൾ നൽകിയ പരാതിപ്രകാരമാണ് പൊലീസ് കേസെടുത്തത് .

കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. ഈ സംഭവത്തിൽ ബാബുവിനെ മർദിച്ച കേസിലും പൊലീസ് കേസെടുത്ത് അന്വേഷണം തുടങ്ങി.