സ്റ്റുഡന്റ് പോലീസ് കേഡറ്റ് പദ്ധതി 2024 വർഷത്തിലെ സംസ്ഥാന സഹവാസ ക്യാമ്പ് Young Leaders Conclave 2024 ന് തിരുവനന്തപുരത്ത് തുടക്കമായി.

കേരളത്തിലെ 20 പോലീസ് ജില്ലകളിൽ സ്റ്റുഡന്റ് പോലീസ് കേഡറ്റ് പദ്ധതി നടപ്പിലാക്കിയിട്ടുള്ള സ്കൂളുകളിൽ നിന്നും തിരഞ്ഞെടുത്ത ആൺകുട്ടികളും പെൺകുട്ടികളും ഉൾപ്പെടെ 600 കേഡറ്റുകൾ എട്ടു ദിവസത്തെ ക്യാമ്പിൽ പങ്കെടുക്കുന്നു. കേരളത്തിന്റെ ആരാധ്യനായ പൊതുവിദ്യാഭ്യാസ വകുപ്പ് മന്ത്രി ശ്രീ വി ശിവൻകുട്ടി അവർകൾ ക്യാമ്പിന്റെ ഉദ്ഘാടന കർമ്മം നിർവഹിച്ചു.

വട്ടിയൂർക്കാവ് എംഎൽഎ ശ്രീ വി കെ പ്രശാന്ത് അധ്യക്ഷത വഹിച്ച ചടങ്ങിൽ സംസ്ഥാന പോലീസ് മേധാവി ഡോ. ഷേക് ദർവേഷ് സാഹിബ് ഐപിഎസ് അവർകൾ മുഖ്യപ്രഭാഷണം നടത്തി. എസ് പി സി സംസ്ഥാന നോഡൽ ഓഫീസറും തിരുവനന്തപുരം റെയിഞ്ച് ഡിഐജിയുമായ ആർ നിശാന്തിനി ഐപിഎസ് സ്വാഗതം ആശംസിച്ചു.

ഇപ്പോൾ ഇൻസ്പെക്ടർ ജനറൽ ജി സ്പർജൻ കുമാർ ഐപിഎസ്, ജി ജയദേവ് ഐപിഎസ്, കിരൺ നാരായണൻ ഐപിഎസ്, വി കുര്യാക്കോസ് ഐപിഎസ് എന്നിവർ ആശംസകൾ നേർന്നു. സ്പെഷ്യൽ ആംഡ് പോലീസ് കമണ്ടാന്റും എസ് പി സി ദക്ഷിണ മേഖല അഡീഷണൽ സ്റ്റേറ്റ് നോഡൽ ഓഫീസറുമായ എൽ സോളമൻ ചടങ്ങിന് നന്ദി പ്രകാശനം നടത്തി.