കൊച്ചി:നീതിതേടിയെത്തിയ ഒട്ടേറെ അശരണർക്ക് ആശ്രയമായിരുന്ന ജസ്റ്റിസ് വി.ആർ. കൃഷ്ണയ്യരുടെ എറണാകുളം എം.ജി. റോഡിലെ ‘സദ്ഗമയ’യെന്ന വീട് വിൽക്കുന്നു.

ആലത്തൂർ: മൂന്നുമാസംമുമ്പ് ആലത്തൂരിൽനിന്ന് കാണാതായ സൂര്യകൃഷ്ണയെ (21) മുംബൈയിൽ സുരക്ഷിതയായി കണ്ടെത്തി. ആലത്തൂർ പോലീസ് മുംബൈയിൽനിന്ന് കൂട്ടിക്കൊണ്ടുവന്ന സൂര്യയെ ശനിയാഴ്ച കോടതിയിൽ ഹാജരാക്കിയശേഷം മാതാപിക്കളുടെ സംരക്ഷണത്തിൽ വിട്ടു. പുതിയങ്കം ഭരതൻ നിവാസിൽ സൂര്യകൃഷ്ണ ഓഗസ്റ്റ് 30-നാണ് വീടുവിട്ടതെന്ന് പോലീസ് പറഞ്ഞു. പാലക്കാട്ട് രണ്ടാംവർഷ ബി.എ. ഇംഗ്ലീഷ് വിദ്യാർഥിയാണ്. രണ്ടുജോഡി വസ്ത്രംമാത്രം എടുത്താണ് വീട്ടിൽനിന്നുപോയത്.

മൈസൂരു: കോവിഡ് പശ്ചാത്തലത്തിലും മൈസൂരുവിലെത്തുന്ന വിനോദസഞ്ചാരികളുടെ എണ്ണം വർധിക്കുന്നു. 2020 മാർച്ചിനുശേഷം ആദ്യമായി മൈസൂരു കൊട്ടാരത്തിൽ പ്രതിമാസ സന്ദർശകരുടെ എണ്ണം ഒരുലക്ഷം കടന്നു. ഒക്ടോബർ, നവംബർ മാസങ്ങളിലാണ് ഒരുലക്ഷത്തിലധികംപേർ കൊട്ടാരം സന്ദർശിച്ചത്. ഒമിക്രോൺ ഭീഷണി നിലനിൽക്കുന്ന സാഹചര്യത്തിലും സന്ദർശകരുടെ എണ്ണം ഇടിഞ്ഞിട്ടില്ല.

കൊഹിമ: നാഗാലാൻഡിൽ സുരക്ഷാസേന നടത്തിയ വെടിവെപ്പിൽ 13 പേർ കൊല്ലപ്പെട്ടു. 12 ഗ്രാമീണരും ഒരു സുരക്ഷാ സൈനികനുമാണ് കൊല്ലപ്പെട്ടതെന്നാണ് അനൗദ്യോഗിക വിവരം. മ്യാൻമറുമായി അതിർത്തി പങ്കിടുന്ന ഒട്ടിങ് ഗ്രാമത്തിൽ സുരക്ഷസേന നടത്തിയ ഓപറേഷനിലാണ് ഗ്രാമീണർ കൊല്ലപ്പെട്ടതെന്ന് പോലീസ് വൃത്തങ്ങൾ അറിയിച്ചു.

ന്യൂഡൽഹി: നാഗാലാൻഡിലെ മോൺ ജില്ലയിൽ സുരക്ഷാ സേനയുടെ വെടിയേറ്റ് 11 ഗ്രാമീണർ മരിച്ച സംഭവം ഹൃദയഭേദകമെന്ന് രാഹുൽ ഗാന്ധി. കേന്ദ്ര സർക്കാരിൽ നിന്ന് എന്താണ് സംഭവിച്ചത് എന്നതിനെ സംബന്ധിച്ച് വ്യക്തമായ മറുപടി വേണമെന്നും അദ്ദേഹം ആവശ്യപ്പെട്ടു.

കൊച്ചി: ഹെലിക്കോപ്റ്റർ അപകടത്തിൽപ്പെട്ട ദിവസം തന്നെ രക്ഷപ്പെടുത്താൻ ഓടിയെത്തിയ കുടുംബത്തെ കാണാൻ വ്യവസായിയും ലുലു ഗ്രൂപ്പ് ചെയർമാനുമായ എം.എ. യൂസഫലി എത്തി. ഹെലികോപ്റ്റർ പനങ്ങാട് ഇടിച്ചിറക്കിയപ്പോൾ ആദ്യം ഓടിയെത്തിയത് തൊട്ടടുത്ത വീട്ടിലെ രാജേഷ് ഖന്നയും, പനങ്ങാട് സ്റ്റേഷനിലെ സിവിൽ പോലീസ് ഓഫീസറായ ഭാര്യ എ.വി. ബിജിയും ആയിരുന്നു. ഇവരെ കാണാനാണ് യൂസഫലി എത്തിയത്.

കോഴിക്കോട്: കോഴിക്കോട് തീക്കുനിയിൽ നിർമാണത്തിലിരിക്കുന്ന വീടിന്റെ വാർപ്പ് തകർന്നുവീണ് ഒരാൾ മരിച്ചു. മൂന്ന് പേർക്ക് പരിക്കേറ്റു. തീക്കുനി സ്വദേശിയായ ഉണ്ണി എന്ന ജിതിൻ (23) ആണ് മരിച്ചത്. ഞായറാഴ്ച ഉച്ചയ്ക്കായിരുന്നു അപകടം.

ന്യൂഡൽഹി: കോവിഡന്റെ പുതിയ വകഭേദമായ ഒമിക്രോൺ ഡൽഹിയിലും സ്ഥിരീകരിച്ചു. ടാൻസാനിയയിൽനിന്ന് എത്തിയ വ്യക്തിക്കാണ് ഒമിക്രോൺ സ്ഥിരീകരിച്ചതെന്നും അദ്ദേഹത്തെ എൽഎൻജെപി ആശുപത്രിയിൽ പ്രവേശിപ്പിച്ചുവെന്നും ഡൽഹി ആരോഗ്യമന്ത്രി സത്യേന്ദ്ര ജയിൻ അറിയിച്ചു. വിദേശത്തുനിന്ന് ഡൽഹിയിലെത്തിയ 17 പേർക്ക് കോവിഡ് സ്ഥിരീകരിച്ചിട്ടുണ്ട്. ഇവരെയെല്ലാം ആശുപത്രിയിൽ പ്രവേശിപ്പിച്ചിരിക്കുകയാണ്.