3.75 കോടി മുടക്കി പണിത തൃശൂര്‍ ചെമ്പൂച്ചിറയിലെ സ്‌കൂൾ കെട്ടിടം പൊളിക്കുന്നു.ബലക്ഷയം മൂലം സ്‌കൂള്‍ കെട്ടിടം തകര്‍ന്ന് വീഴുമോയെന്ന ശങ്കയെ തുടര്‍ന്നാണ് സ്‌കൂള്‍ കെട്ടിടം പൊളിച്ച് നീക്കുന്നത്

March 30, 2022 - By School Pathram Academy

തൃശൂര്‍(Thrissur): കിഫ്‌ബി ഫണ്ട് ഉപയോഗിച്ച് പണിത തൃശൂര്‍ ചെമ്പൂച്ചിറയിലെ സ്‌കൂൾ കെട്ടിടം പൊളിക്കുന്നു.

3.75 കോടി മുടക്കി പണിത കെട്ടിടത്തിന്റെ രണ്ടാംനിലയാണ് പൊളിക്കുന്നത്. നിര്‍മ്മാണത്തിലെ അപാകതയാണ് കെട്ടിടം പൊളിക്കാനുള്ള കാരണം.

കഴിഞ്ഞവര്‍ഷം ടെക്നിക്കൽ ഇൻസ്പെക്ഷൻ വിഭാഗവും ക്വാളിറ്റി വിഭാഗവും നടത്തിയ പരിശോധനകളിലാണ് അപാകതകൾ കണ്ടെത്തിയത്.

ഉപയോഗിച്ച മണൽ, പ്ലാസ്റ്ററിങ്, കോൺക്രീറ്റിങ് എന്നിവയിൽ പോരായ്മകളുണ്ടെന്നായിരുന്നു കണ്ടെത്തൽ. കോൺക്രീറ്റ് കരുത്ത്, ഗുണനിലവാരം എന്നിവയിലും പോരായ്മകളുണ്ടായിരുന്നു.

നേരത്തെ കെട്ടിടനിർമ്മാണത്തിലെ അപാകതകള്‍ നാട്ടുകാരും ചൂണ്ടികാണിച്ചിരുന്നു. കൈകൊണ്ട് തൊടുമ്പോൾ സിമന്റ് ഇളകുന്ന നിലയിലായിരുന്നു കെട്ടിടം. തുടർന്ന് വലിയ പ്രതിഷേധം ഉണ്ടാകുകയും പരാതി നൽകുകയും ചെയ്തിരുന്നു. മുൻ വിദ്യഭ്യാസ മന്ത്രി സി രവീന്ദ്രനാഥിന്റെ മണ്ഡലത്തിലാണ് ഈ സ്കൂള്‍.

ബലക്ഷയം മൂലം സ്‌കൂള്‍ കെട്ടിടം തകര്‍ന്ന് വീഴുമോയെന്ന ശങ്കയെ തുടര്‍ന്നാണ് സ്‌കൂള്‍ കെട്ടിടം പൊളിച്ച് നീക്കുന്നത്. 5 ക്ലാസ് മുറികള്‍ പൂര്‍ണമായും പൊളിച്ച് നീക്കും. മേല്‍ക്കൂരയില്‍ വിള്ളല്‍ വീണതോടെ പലയിടത്തം ചോര്‍ച്ചയും അനുഭവപ്പെടുന്നുണ്ട്. കെട്ടിടം നിര്‍മാണം പൂര്‍ത്തിയായി ചുരുങ്ങിയ സമയത്തിനുള്ളില്‍ തന്നെ നിര്‍മാണത്തിലെ അപാകതയെച്ചൊല്ലി പ്രതിഷേധങ്ങള്‍ ഉയര്‍ന്നിരുന്നു.

വിവിധ ഭാഗങ്ങളില്‍ വിള്ളലുകള്‍ ഉണ്ടായിരുന്നു. കെട്ടിടം പൊളിക്കേണ്ടെന്നും അറ്റകുറ്റപ്പണി നടത്തിയാല്‍ മതിയെന്നും തൃശൂര്‍ ഗവ. എഞ്ചിനീയറിംഗ് കോളേജിലെ വിദഗ്ധ സംഘവും കിഫ്ബിയും പറഞ്ഞിരുന്നെങ്കിലും സര്‍വകക്ഷിയോഗത്തില്‍ ഉയര്‍ന്ന എതിര്‍പ്പിനെ തുടര്‍ന്ന് കെട്ടിടം പൊളിക്കാന്‍ തീരുമാനിക്കുകയായിരുന്നു.

Category: News

Recent

സംസ്കൃതം പഠിക്കാം – തയ്യാറാക്കിയത് : – സിദ്ധാർഥ് മാസ്റ്റർ, കൂടാളി HSS,…

July 15, 2024

പി.ആര്‍.ഡിയില്‍ സബ് എഡിറ്റര്‍, കണ്ടന്റ് എഡിറ്റര്‍, ഇന്‍ഫര്‍മേഷന്‍ അസിസ്റ്റന്റ് പാനലിലേക്ക് അപേക്ഷിക്കാം

July 15, 2024

ഏകപക്ഷീയമായ അക്കാഡമിക് കലണ്ടറിനെതിരെ KPSTA നൽകിയ ഹർജിയിൽ സീനിയർ അഭിഭാഷകൻ കുര്യൻ ജോർജ്…

July 15, 2024

ഒരു ജില്ലയിൽ കൂടി അവധി പ്രഖ്യാപിച്ചു

July 15, 2024

6 ജില്ലകളിൽ നാളെ അവധി പ്രഖ്യാപിച്ചു

July 14, 2024

മഴ: നാളത്തെ അവധി അറിയിപ്പ്

July 14, 2024

പത്താം ക്ലാസ് വിദ്യാർത്ഥിയുടെ മരണം: മഴക്കോട്ട് കൊണ്ട് ശരീരമാകെ മൂടി, കൈകള്‍ പിന്നിലേക്ക്…

July 14, 2024

ജില്ലാ മെറിറ്റ് അവാർഡിന് ഓൺലൈൻ അപേക്ഷ നൽകാം. അപേക്ഷിക്കേണ്ടതിനുള്ള യോഗ്യതകൾ

July 14, 2024
Load More